الجمعة 23 فبراير 2018 - 06:42 مساءا

الراقصة سامية جمال. تقول

فبراير 10, 2018 5:46 م


وائل توفيق

قالت الراقصة سامية

تفرغت لحياتي الزوجية مع رشدي أباظة كست بيت لمدة 17سنة، ولم اعمل خلالها إلا فيلم “زقاق المدق” لأن الدور حلو والمخرج ايضًا، والواحد ميقدرش يقول لأ وكان رشدي وقتها مسافر ووافق على اشتراكي في الفيلم.

لما سألوها عن ازمة سوء صناعة الافلام؟ قالت: هي أزمة الحب، يعني لابد أن يحب العاملون في السينما، السينما، بكل معنى الحب، ومن يحب يضحي، ويتفاعل مع الظروف المحيطة بالصناعة والفن.
طب والرقص الشرقي ياست سامية؟ قالت: دايمًا باقول التقليد زي الكذب، ملوش رجلين.
طب مين راقصة مصر الأولي دلوقتي؟ نجوي فؤاد راقصة استعراضية فوق الممتاز، وفيفي عبده ممتازة في رقص بنت البلد وشكلها بيساعدها على كدا، وسهير زكي ممتازة في نفس اللون وفي رأي هي “الهانم” لانها ملتزمة وبتحترم رقصها.
اعتزلت سامية جمال الرقص في السبعينات، ورجعت تاني في منتصف الثمانينات، وبعدها اعتزلت تاني لحد م توفت في ديسمبر1994.
في فترة ما من اعتزالها، كانت بتصرف على أهلها والشقة بتاعتها اللي في الزمالك، كانت إيجار مش تمليك، وضربت فيها ماسورة، وجات تصلحها ومش معاها فلوس.وفي الوقت ده كانت علاقتها بسمير صبري طيبة وبينهم اتصالات وكلام واطمئنان .وكان وقتها هو بيعمل فرقة استعراضية وبيغني في فندق خمس نجوم، والمدير عرض عليه انه يعمل حاجه مختلفه في الصيف، وفكروا انهم يعملوا حفلة كبيرة حوالين حمام السباحة وحفلة شوي كل يوم اتنين تحت اسم”الليلة الكبيرة”. واقترح عليهم سامية جمال فكلمها ومكانتش مقتنعة في البداية بجدوى الفكرة، قالتله: ارقص تاني؟ انا عندي ستين سنة قالها: صباح بتغني وعندها 60 سنة، وبعدين انتي عمرك م كنتي رقاصة، انتي بتعملي تابوهات واستعراض وهتطلعي ربع ساعة مع فرقة موسيقية، وبعدين أنا هطلع، وفي الآخر هغني لفريد و لو حسيتي بالتعب شاوريلي بس
ووافقت خصوصا انى وضعها المادي مكانش كويس، ووقعت العقد مع المدير الألماني وطبعًا كانت بتتكلم فرنساوي وإنجليزي زي العربي بالظبط.
ونجحت الفقرة اللى بيقدمها سمير صبري وسامية جمال وقررت وزارة السياحة انهم يعملوا جولة في امريكا وكندا، سمير صبري بيقول: الناس كانوا بيبكوا وهم شايفين سامية جمال تاني بتغني قدامهم، في عمرها ستين سنة، رغم انها مكانتش زي الاول لظروف سنها، بس الناس كانت مبسوطه انها بتلف حواليهم في الصالة.
وعملوا موسمين مع بعض وفجأة قالتله: كفاية يا سمير، انا صلحت البيت وسدد ديوني، ودفعت لأختي مصاريف دراستها.

بعدها بشهرين تعبت فجأة وراحت المستشفى وتوفت.

 

 

 

 

  • FB_IMG_1518277373774

Previous Image
Next Image

info heading

info content