الأحد 17 ديسمبر 2017 - 05:41 مساءا

كل ما اقول انسى

ديسمبر 2, 2017 4:10 م

شعر /سمر علي بلقيس

كل ما اقول انسى

ارجع تاني لنفس النقطه
نفس البدايه تندهلي
نفس الوجع
نفس القصه
اصل مستحيل
بالسهل كدا انسى
و الماضي يصير ذكرى
حلفت كتير ايوه
حلفت مش ناكره
حلفت للماضي
ما انا راجعه
لكن خسرت الحلفان
و النسيان بقاا كدبه
ادارى ورا جدرانها
بقول نسيت ايوه
و بضحك
و عايشه
لكن من جواياا غارقه
جوا بحور بلا مرسى
شطآنها حطب نيرانه آسيه
و اهي ماشيه
دنيا و بنعيشها
لكن مستحيل
بالسهل كدا ننسى
بين الثانيه و اللحظه
حاجات كتير بنشوفها
كمان بنعيشها
يمكن لغيرنا شئ عادي
لكن جوانا بترسى
جوه القلب راسمه
مية الف حاجه
……….و عايشه

سمر علي


info heading

info content