السبت 16 ديسمبر 2017 - 07:21 صباحا

من هى الفنانة شادية

ديسمبر 1, 2017 10:26 م

فاطمة أحمد كمال شاكر والدها مهندس زراعي ولما دخلت مجال التمثيل اختارولها اسم تاني ينفع مع المجال وهو ” شادية ” ..
من أنجح قصص توبة الممثلات واعتزالهم التمثيل ولبسهم الحجاب والثبات على موقفهم هي الحاجة فاطمة ( زي ما بتحب الناس تناديها ) …

ممثلات كتير جدا لبسوا الحجاب واعتزلوا التمثيل لفترة وبعد كده رجعوا تاني اما رجوع صريح وخلصونا من الهري أو رجوع بتحايل زي اللي لبست باروكة وكده هي لسه محجبة قدام نفسها وشعرها مش باين أو اللي رجعت تمثل وهي محجبة وبتمثل دور زوجة بتنام جنب جوزها عادي في السرير بس المهم شعرها ما يبانش 😕
معظم اللي بيعتزل التمثيل بيتعرض لضغوطات كبيرة جدا من شياطين الانس والجن وشياطين الانس اكتر !!!
الحاجة فاطمة اعتزلت التمثيل في سنة ١٩٨٦ ومن وقتها من ٣٠ سنة ثابتة على موقفها ورافضة أي ظهور اعلامي مهما كان السبب ومش بتفتح الباب ده ابدا لاي سبب كان !!!
– رفضت في سنة ٢٠١٠ دعوة من المركز الكاثوليكي لتكريمها
– رفضت في سنة ٢٠١٣ الظهور في في حفلة عيد الفن لتكريمها واستلام جايزة وقالت ان عدم ظهورها قرار نهائي لا رجعة فيه .
-رفضت عرض مغري لتناول قصة حياتها في عمل فني مقابل ٣٥ مليون جنيه وقالت انها لا تحب ان يتردد اسمها في الوسط الفني اساسا
-رفضت عرض مغري جدا من شركة روتانا بقيمة ٥ مليون دولار لتسجيل ٣ البومات دينية في رمضان وقالتلهم حرام تدفعوا الفلوس دي كلها في عمل زي ده روحوا ابنوا بيها مستشفى تخدم الناس افضل ..
– واخيرا رفضت ان يتم علاجها على نفقة المهن التمثيلية …

امس توفيت الحاجة فاطمة بعد مرض شديد في آخر ايامها سأل الله تعالى أن يتقبلها ويجازيها على ثباتها ويجعل مثواها الجنة ..
مستغرب جدا من الناس اللي بتكتب تترحم عليها وينسبوا ليها ” الفنانة شادية ” يعني هي تبرأت وتابت من الصفة دي وأنت مصر توصفها بيها …
رحم الله الحاجة فاطمة وكتبها في المهديين


info heading

info content