الأحد 17 ديسمبر 2017 - 07:32 مساءا

زجلية منين الكمرة ف الليلة الضاوية … بقلم – احسان السباعي

مايو 9, 2015 1:39 ص

زجلية
منين الكمرة
ف الليلة الضاوية
تحني راسها
لشمس الباكية
من حر الدنيا
معاك نكتر الهدرة
الجاية بمرار الدفلة
الداوية عليا
الشاكية بعجاج الريح
والشتا والحكرة
على الشماتة الساكنة فيا
ف بلاد الشيح
نلقى خاطري فيك يطيح
يفصح اش مخبي ف فادي
واش الي جرى ليا
واش لي بقى ف غدايدي
من يامي الكحلة
لبسوها توب لغراب
غطو وجهها بالتراب
وعلقوها ف ليلة مظلمة
بلا ما يديرو حساب
ليا والي عندي
ف النخلة البايرة
قتلوها ف غفلة
من لحباب والصحاب
ولبعاد ولقراب
برصاص المكحلة
وهي ليوم عيونها
بيك مكحلة
قريها حروف لغراب
ملي على غفلة
تدق الباب
بقلم احسان السباعي
بلا شلا حساب

 

 


info heading

info content