الخميس 14 ديسمبر 2017 - 05:08 مساءا

أسفة … من خواطري – ريــــــــــــــــــــ صلاح ـــــــــــــــــــــــم

أبريل 25, 2015 7:45 م

مش هسمح من تاني
أنك تمحيني
أو بكلمة منك أعيشلك
سنيني
سجينة حية بتابوت
حويني
و تجمد دمعتي من
جوة عيوني
أيوة أسفة
أيوة حاسة
أني مبقتش جواك عايشة
جوة مني كابوس ولسة
عشته معاك اسمه الحنين
عشته فيك زي الجنين
ولما قلت هشوف الدنيا
قتلته أنت بغمضة عين
اتمنيتني ما يوم اتولد
وفي لحظة وثانية بتؤد
هو ده اللي كنت أنافيه
واللي كان منك ليه
أيوة أسفة
كنت حاسة
أني ليك زي التمثال
تتعبد ليه في الخيال
وتعيشني فـ دنيا كلها محال
وجوة منك قصة وهمية
كنت مشغول بحاجة تانية
قصة فيها كل المعاني
للخيانة بشكل تاني
ايوة أسفة
كنت حاسة
اني بيوم ماهكون ولسة
غير
صورة متعلقة جوة برواز
وانا اللي فيها صبحت أزاز
كسرته لما شوفت
القرار
وان وجودي معاك وكوني
كله صبح في اهتزاز
لما وصلته للانهيار
أيوةأسفة
كنت حاسة
ومكانش لسة
غير أنه وقع
وقع وانكسر البرواز
…………………………………
من خواطري
ريــــــــــــــــــــ صلاح ـــــــــــــــــــــــم

 

 


info heading

info content