الثلاثاء 12 ديسمبر 2017 - 10:30 صباحا

برّه النظرات أنا وانت روحين .. ريـــــــــــــــــ صلاح ـــــــــــــــــــم

أبريل 9, 2015 4:04 م

برّه النظرات

أنا وانت روحين ..
تايهين ف الكون من ألفين عام
والتوهه عذاب
وضياع وألام
جمعتنا الدنيا ف لحظة شوق
خبّتنا ف عز الليل أنغام
مع أول صوت للفجر قوام
جدلتنا ضفاير شمس نهار
وشافتنا الحُب بكل ما فيه
فردتنا على العالم أنوار
أنا وانت الجنّه ف عز النار
ف تعالى نزغزغ تفاصيلنا
ونهزهز أوراق الأشجار
دا الحب ان كان ذنب العُشّاق
مغفور من غير حتى استغفار
أنا وانت حبيبي صبحنا مدار
على كفّي وكفّك قمره وشمس
ونجوم حوالينا بتهمس همس
يجمعنا الشوق برّه النظرات
ف ندوب انا وانت يادوب م اللمس
أنا حسّه وعايزاك برضه تحس
إننا بالشوق كل الأقدار
واننا أسرار غير الأسرار
ف تعالى نزغزغ تفاصيلنا
ونهزهز أوراق الأشجار
واتعلّم وافهم يا حبيبي
أنا وانت الجنّه ف عز النار
…………………………..
من ديوان
خبيني فيك
ريـــــــــــــــــ صلاح ـــــــــــــــــــم

 

 


info heading

info content