الخميس 18 يناير 2018 - 11:54 مساءا

عايشه موت… بقلم الشاعرة – ريم صلاح

مارس 24, 2015 7:29 م

عايشه موت
………….
عمري ما اتصورت إنّي
هنهزم واخسر سباقي
وان فرحة عمري كله
فيها رح يبقى ابتلائي
وان دائي
رح يكون دمعة عيوني
واني هبكي أحلى قصّه
وان باقي ف عمري لسه
كام سنه هيعيشها قلبي
بالدموع وبدقّه ناقصه
كنت حسّه ..
إني أقوى من زماني
واني قد الدنيا واكبر
كنت عايشه طول حياتي
مهما طعم الدنيا مرر
برضه قادره ع التحدي
قادره اجيب م المُر سكر
كنت فاكره إني أقدر
أكسر الأحزان بكفّي
وان مهما الدنيا تعند
بالعناد رح اجيبها صفي
وان مهما الشمس غابت
نظرتي ع الكون تدفي
كنت فاكره الضحكه تكفي
إي حزن ويبقى فرح
أي ليل هيطول شويه
أبتسمله هيبقى صبح
كنت فاكره أي جرح
مهما جاني هجيبه أرض
كان حياتي طول وعرض
مسرحيه ساخره جدا
ع الجميع الضحك فرض
بس أخر فصل عرض
كان ضلام فارد جناحه
ع الشوارع والبيوت
كان شريط إسود معلّق
زي خيط العنكبوت
كان دموع يا ضنايا خنقه
جوه منّي حبل صوت
لما شاوروا وقالوا ماتت
قالو نايمه ف التابوت
يومها حسّيت النهايه
جت لحدّي
واني بعدك يا حبيبتي
عايشه موت

 

 


info heading

info content