الخميس 18 يناير 2018 - 12:07 صباحا

أجمل عيد … بقلم / كواعب أحمد البراهمي

مارس 21, 2015 7:03 م

كل سنة وأنتي بسلام
يا كل الحب والوئام
مهما كبرت بحتاج لك
وبأنده لك آلاقيكي
يجاوبني كل شئ فيكي
وتاخديني في أحضانك
تقويني بإيمانك
وتدعي لي وربي يفتح
لي باب الرزق بدعاكي
ورغم البعد شيفاكي
كأني ما بيني وبينك بعد
وأنا حافظة لك علي العهد
لأمشي في طريق الخير مهما تعبت
ومهما شفت من آلام
ومهما قست الأيام ما تغيرت
يا ..أمي يا شمس أيامي
وفي عز الضلمة أنتي فجر أحلامي
دعاكي ينور السكة
ويبعت لي ألف ضحكة
تنور طريقي قدامي
ولا نسيت ولا هنسي في يوم
دفا حضنك
وبدعي ربي يجمعني بيكي
طول العمر
ويحميكي ويديكي من الصحة
ومن الستر
ومن كل خير في الدنيا
لأجل تفرحي وتبقي أحلي الناس
يا ست الناس .. يا أمي
بقلم / كواعب أحمد البراهمي

 

 


info heading

info content