الخميس 18 يناير 2018 - 12:05 صباحا

انا رايح اشجع الزمالك مش داخل حرب ومعارك … الشاعر – مصطفى رشدي

فبراير 10, 2015 1:05 ص

يا بابا يا ماما انا رايح الماتش
ماشي ياحبيبي ومتتأخرش
حاضر يا امي.ويابابا ما تخافش
انا راجع بسرعه وما تقلقش
انا رايح اشجع الزمالك
مش داخل حرب ومعارك
في عينك خوف يا امي مالك
وكأنك حاسه إني هالك هالك
اتاري إحساسك ما بيكدبشي
زناد الغدر من الدم ماشبعشي
ليه يا امي سيبتيني أمشي
دا غيري كتير من الموت ماسلمشي
منظومه فاسده وحاكمها فاسد
شلبي ومرتضي وعزمي مجاهد
حكومه وحكام قلبهم جاحد
وإعلام ع الدم عمال يزايد
واديني يا امي راجع علي ظهري
وانا اللي كنت فرحان وبجري
اهو راح العمر يا عيني بدري
في نظام فاجر وحاكم غجري

 

 


info heading

info content