الخميس 14 ديسمبر 2017 - 03:21 مساءا

مـوال حياتـى ..وبقـول ع الجـراح مـوال من بعـد م أتغـيرت لحوال… شعـــــــــر..جمعةالحجازى

ديسمبر 16, 2014 3:48 م

مـوال حياتـى ..
وبقـول ع الجـراح مـوال
من بعـد م أتغـيرت لحوال
مـــــوال حيـــاتـى ..
بكى وعـذاب ومـرار
ومـن دمـع النـدم أحـوال
كنت أقـول أنا عليكى يادنيا
سبـع كاسركل السدود
حتى الخطـاوى ماليها حـدود
كـل البشرعندى بشر
لاقلب يعـرف معـنى الخطر
ولا دمعـه تنزل ترسم
حكـم القـدر……….
أتاريكِ يادنيا غـداره ..
بتغيرى الأحـوال
بتغيرى كتير يامـا
يتغـيرالعنوان
من سبـع كان كاسر وكان
القلب ميـت
أصبح وكان فـ خـبر كان
ع الفراش ميـت
شرابى مرار والعذاب نـار
والآه تصرخ حـرام ميت
لاحبيـب ولاصاحب
ولا واحـد من البشر حواليا
فتـونى الحبايب ويَّاالأحبه
حـتى حبيـب قلبى وعينـيا ..!!
وسنين العمر عـدت ليالى
والليله سنين عـذاب
مكتوب عليا مـوال حياتى
خـلاص مبقاش عندى كلام
أنتهى كل الكلام بيا
يا مـين يرحم عذابى
يرحم عـذاب إنسان
على خـده دمعه نـدم
على شكله يطـلب الإحسان
وآه منــــك يـــا دنيــــا …
…………….
ديــــــــوان..صرخــة عاشـــق
شعـــــــــر..جمعةالحجازى


info heading

info content