الجمعة 15 ديسمبر 2017 - 08:02 مساءا

يا داك الشك المهزوز على محمل السراب … بقلم احسان السباعي

ديسمبر 1, 2014 11:43 ص

زجلية

يا داك الشك
المهزوز على محمل السراب
واش بالسميدة اليابسة
جاي تحيي الراكد ف التراب
وتبغي لغله تكون تامرة
بالصفا عامرة
ترمي السلام
ف وجه لحباب
والخاطر فكعان
البال حيران
يضرب خماسي ف سداسي
يقلق نعاسي
يقلب ساسي من راسي
ويكتر لحساب
منين الشتا
حشمات …
غطات راسها
جمعات جلايلها
بمنديل الضباب
الكمرة هربات م لباطل
هجرات لمكان
وبطوب لحجر
مازال عليها نازل
يزند جمار العوافي
بفتيلة لعتاب
يا داك الشك
بعد بعيد
عليا لا تدق لباب
راني بالعقد مكوية
ما كادة ليها نفك
منين النجمة اللامعة ف السما
خلات وجها ف لما
وتحزمت بمجدول لغراب
تقادا جهدي
بقلم احسان السباعي

 

 


info heading

info content