الأحد 17 ديسمبر 2017 - 05:50 مساءا

مـــــالــــها البـلــــد – رابطه مشجعي الزمالك

ديسمبر 6, 2013 11:11 ص

رابطه مشجعي الزمالك

مـــــالــــها البـلــــد
مكفايه كُهن ومسكنه
وامور شحاته ونفسنه
غاويين كآبة وعكننه
مابلدنا فل اخر تمام
فـ كل حته تجعجعو
ولا حد راسه بتوجعو
متشوف رئيسنا وشجعو
وانتخبو ريس ع الدوام
ايه يعني عيل نام جعان
او حتى يشحت ع البيبان
ما الغلطه عنده من زمان
ايه اللي خلاه اتولد
مالها البلد
ايه يعني قطر بيتحرق
ولاّ البنوك د بتتسرق
ولا فـ مواصله هتتزنق
المشي حاجه مفيده ليك
ايه يعني محروم م الجواز
قال يعني قادر ع الجهاز
قضيها ويا بنات لذاذ
تبسطك تصرف عليك
قدمت عايز تشتغل
وعرفت ان مفيش امل
اكيد د معملك عمل
نصيحه خدها للابد
مالها البلد
ايه يعني لما تعيش سُطل
تمشي بسلاح هتكون بطل
اخرتها تتسجل خطر
وتعيش ما بين الناس اسد
اياك تصلي ركعتين
وتربي دقنك حبتين
هتروح ف داهيه ف ثانيتين
ويقولو شكل الواد فسد
د الفقر نعمه قدروا
خايفين عليكو لتفتروا
ع النعمه ليه تتبتروا
جاتكو القرف مليتو البلد
مالها البلد

محدش عارف حاجه

 

111


info heading

info content