الثلاثاء 12 ديسمبر 2017 - 07:48 مساءا

دور بنفسك

يونيو 6, 2013 1:35 م

علا كمال

كلمات اغنية احمد مكى من فيلم طير انت

دور بنفسك جوا نفسك هتلاقى نفسك

متحاولش تبقى حد تانى غير نفسك خليك واثق في نفسك
قوم دور بنفسك جوا نفسك هتلاقى حاجة محدش فيها ينافسك
متحاولش تبقى اى حد تانى غير نفسك

دور بنفسك جوا نفسك متكسلش وقوم قلب ودور هتلاقى ميزتك
ميزتك في صوتك أو في رسمك
متستبعدش تبقى ميزتك حركة بتعملها جسمك أو فكرة fantastic في مخك
ممكن تكون كمان مميز في الطب والحساب أو ميزتك نفسك في طبخك
ممكن ميزاتك تطلع في لوحة أو كتاب ممكن تكون ميزتك لياقتك
ميزتك انك قلب ميت تقدر تضرب كل الناس أو تكون ميزتك سياستك
ميزتك انك رومانسي ومأفور في الإحساس أو تكون ميزتك فراستك
ممكن ميزتك تكون قلب ابيض أو حنون ممكن تكون ميزتك حماستك

في ناس تعرف تفصل لبس الناس بكل إحساس مهما كانت خامة فماشتك
وناس بضربة فأس تحول تربة قلقاس (أو أناناس) بفضل ربى مش بفضلك
ولو في يوم لبس قضية في ناس ميزتها هي (هي إيه ) ميزتها إنها تجيب برأتك
بس ركز في اللي جى

محدش عجبه حاله حالة غيره اللي بتحلاله
دايما شرقي بيغرب وأيسر نفسه يبقى أيمن
التخين بيخسس والتاني رفيع نفسه يبقى أتخن
اسمر بيفتح ابيض نفسه يبقى بلاك
من خلفله بنت بيزعل نفسه يخلف واد

ايون ايون ايون

انسي انك ترضى بحالك دايما عاجبك حال الغير
مهما تكون حالتك دايما باصص للتغير
صدقني لو بصيت جواك هتلاقى ياما كنير
قدرات مميزات إن كنت غنى أو فقير
متقللش من نفسك ده انت لنفسك طاقة غير
هتحقق اللي في نفسك واللي يمسك كل كبير
ارضي ياابن ادم باللي اتقسم عليك
ولاونى عارفك مش هترضى غير بتراب في عنيك

ربك ميز كل واحد منا بحاجة
فالناس فعلا لبعض دايما محتاجة
دور والقي ميزتك حاول حافظ عليها
طورها أتميز بيها حياتك هتلاقيها

في الأول ماشية صح طول ما انت راضى بيها
ارضي بحياتك انت واقبلها باللي فيها
ده الرضي نعمة كبيرة احمد ربك عليها خدها منى كلمة مافى حاجة بتساويها

حد يترجملى ببقول إيه الواد ده

إني أقولك عيقول متحاولش تبقى حد تانى غير نفسك

قوم دور بنفسك جوا نفسك هتلاقى حاجة محدش فيها ينافسك

لو ملكش عازة مكنتش اتخلقت ولا اتحسدت من الناس ولا اترزقت

 

77


info heading

info content